Informasaun tuir mai hau foti husi Rede ba Rai nia pagina Facebook. Hau re-emcaminha deit tamba interessante tebes nudar forma assaun hasoru parlamentu (hare photo):
POVU VOTA KONTRA ESBOSU LEI EXPROPRIESAUN, LEI BA RAI NO LEI FUNDU IMOBILIARIU !!!
Primeira iha istoria Timor nian, povu halo asaun vota kontra kona-ba esbosu lei tolu konaba esbosu lei nain ba rai, Lei expropiesaun no lei fundu imobiliariu iha sesaun plenaria ba aprovasaun final lei hirak nee iha Parlamentu Nasional.
Asaun nee rasik partisipa husi komunidade sira ne'ebe mai husi fatin no organizasaun oin-oin hanesan; membrus uniaun agrikultores distritu emera nian ne'ebe durante nee ezizi reforma agraria popular ba povu toos nain sira iha distritu Ermera, komunidade Bairo golgota-Komoro, lecidere, eis brimob, estudantes no membrus redi ba rai Timor leste nian besik ema lima nulu resin.
Razaun ba asaun vota kontra nee tanba lei tolu nee la benefisia ba povu kbiit laek sira, maibe fo benefisiu liu ba; estadu hodi foti rai, ema latifundiariu sira/osan nain sira no ba ema sira iha sertifikadu/alvara no dokumentus rai ihatempu kolonial nian.
Tuir Amaro Silveriu, presidente Unaer hateten katak durante tinan barak nia laran hahu husi tinan 2000 too agora komunidade ermera halo esforsu oin-oin hodi hatoo sira nia preokupasaun ba estadu, parlamentu Nasional no ministeriu justisa liu-liu ba esbosu lei rai nian hodi konsidera povu nia ezizensia ba reforma agraria iha esbosu lei rai nian maibe laiha ida mak preokupa no konsidera sira nia aspirasaun tanba nee ami hakarak hatudu katak ami lakon ona ami nia konfiansa ba reprezentante povu iha PN!!! Ami vota kontra !!!
No comments:
Post a Comment