“PR Horta: Ro Naval Labele Halo Operasaun To’o Kosta Sul Tamba IV Governu Halo Sala”

Notisia Husi TVTL

Sesta Kalan, 30 Fevereiru 2012

Governu Foun Mai Tenki Rapidu

“PR Horta: Ro Naval Labele Halo Operasaun To’o Kosta Sul Tamba IV Governu Halo Sala”

Prezidente da Republika Jose Ramos Horta husu ba Prezidenti foun no Governu foun atu tau atensaun ba infraestrutura F-FDTL no PNTL, iha oportunidade ne’e mos Xefe do Estado Maijor Jeneral Lere Anan Timur husu ba lideransa nasaun ne’e atu tau atensaun ba F-FDTL.

Prezidenti da Republika rekoinese katak, ba futuru presiza hadia jestaun iha instituisaun F-FDTL, tamba ne’e husu ba governu foun ho poder ezekutivu atu hala’o desizaun ne’ebe rapido.

“Ba futuru problemas bot barak ne’ebe iha infra-estrutura ne’ebe sei falta, F-FDTL iha ona kuartel foun, maibe sei iha problema ho baze Naval Hera, seidauk rejolve, sei iha problema mos ro patroilla ne’ebe ita sosa husi Xina, maibe labele ba kosta Sul, desizaun ruma ke IV (Kuatru) Governu halo sala, ita nia rohai lobuk ida ne’e labele ba iha kosta soul, ne’e duni Governu foun ne’e mai tenki hare, halo desizaun rapido para ita hari komando Forsa naval ho operasional e labele sai karun demais,” dehan Horta.

Alinede ne’e, Xefe Estado Maior Lere Anan Timur hateten, ba lideransa ne’ebe sei eleitu iha tempo tuir mai atu fo atensaun ba moris Forsa Defesa Timor Leste.