FRETILIN.Media

2010-2020: DECADE OF PEACE, STABILITY & DEVELOPMENT/DEKADA PAZ, ESTABILIDADE NO DEZENVOLVIMENTU

Media service of the FRETILIN party.
Servisu media partidu FRETILIN nian.

Contacts/contactus:

Deputadu Jose Teixeira
Tel. Mobile: +670 728 7080
Email: fretilin.media@gmail.com

Friday, April 30, 2010

Komunikadu ba Imprensa: Ita tenke tahan Joint Venture Sunrise nian proposta ho negosiasaun seriu.





FRETILIN

KOMUNIKADU BA IMPRENSA

Dili, 30 Abril 2010

Ita tenke tahan Joint Venture Sunrise nian proposta ho negosiasaun seriu.

Horseik Kompanhia Woodside, no sira nia Joint Venture deklara iha media internasional katak sira prefere atu halau prosesamentu ba gas husi kampu Greater Sunrise iha “plataforma flotuante” iha tasi leten du ke lori mai Timor-Leste ka ba Australia. Partidu FRETILIN deklara liu husi nia porta voz Deputadu Jose Teixeira katak, maske deklarasaun ida nee laos preferensia Timor-Leste nian, governu de facto labele deit hatan ho deklarasaun oioin maibe tenke tahan ho reforso ba prosesu negosiasaun ho sira, tamba ida nee deit mak dalan atu lori kadoras no fabrika prosesamentu mai Timor-Leste, resultadu ida nebee Timor oan hotu hakarak no buka.

“Ita hotu hakarak apoia governu de facto kona ba prosesu ida ne’e, tamba ita hotu fiar katak tenke lori kadoras no fabrika gas mai Timor-Leste.  Ne’e iha duni ita nia interese nasional. Maibe, nudar estadu ita tenke tahan diretamente ba desizaun Joint Venture Sunrise nian ho ita nia proposta negosiasaun seriu kona ba oinsa ita atu dada kadoras mai Timor-Leste.  Ita labele hatan deit dehan ‘ami la aprova’ oin seluk, ka ‘ami sei nunka aprova’ oin seluk, hanesan porta voz governu de facto nian deklara agora dadaun.  Ita presiza propoen agenda negosiasaun seriu ba ita nia proposta atu konvense sira katak ita nia dalan mak diak liu ba ita hotu no los liu tuir aspetu tekniku no juridiku,” deklara porta voz FRETILIN, Deputadu Jose Teixeira.

Nia dehan katak liu husi prosesu negosiasaun ida neebe transparente, determinadu no ho objectivu klaru deit mak ita bele konvense sira katak ita nia proposta mak los.  “Laos deit taka odomatan, no buka hamoe sira iha media.  Nune’e ita sei la hetan resultadu neebe ita buka, no sei hatudu nafatin inkapasidade atu negosia no halo gestaun
ba prosesu ida neebe importante tebes ba ita nia Povo no nasaun nia futuru,” nia hatutan.

“Iha 30 Maiu 2007 Ministru Rekursus Naturais Australia nian, Ian MacFarlane deklara katak, Darwin lakon ona oportunidade atu dada kadoras ba neeba, no katak Woodside no sira nia joint venture sei tenke rona Timor-Leste nia proposta atu dada kadoras mai ita nia rain, molok halo desizaun ruma kona ba oinsa atu explora Greater Sunrise. Tuir ami nia hare kestaun mak ne’e, saida konkretu mak ita nudar estadu propoen ba sira atu konvense sira katak diak liu prosesa gas husi Sunrise iha rain Timor-Leste du ke opsaun seluk?  Governu de facto halo duni ona nunee ka lae?” Teixeira husu.

Teixeira deklara katak FRETILIN hatudu ona katak nia sempre pronto atu kontribui ba hetan resultadu neebe diak ba nasaun, maibe Governu de facto mak la hatudu transparensia no la husik FRETILIN fo kontribuisaun ba prosesu negosiasaun.

“Tamba assuntu ida nee envolve interese nasional, mak uluk Presidenti Republika halo esforsu oinsa FRETILIN, liu husi envolvimentu Dr Alkatiri nian, tamba nia iha experiensia makas kona ba assuntu ida nee, bele tulun prosesu negosiasaun. Maibe deputadu CNRT sira mak taka dalan.  Nudar Timor oan ita tenke hamutuk atu hasoru sira, maibe ita tenke transparente ho malu no ho sira seluk neebe iha interese ba kestaun bo’ot ida nee.  Ita tenke koalia momos ho sira, laos koalia liu husi deklarasaun ba media deit."

Maibe liliu ita tenke kaer metin prosesu negosiasaun atu tahan sira nia proposta ho ita nia propostas klaru no forte.  Ita tenke negosia duni, laos deit ezigi. Se ita halo esforsu negosia duni, entaun ita sei nunka lakon, tamba ita nia pozisaun teknikamente no juridikamente forte no justu liu sira nian,” Teixeira taka.

BA INFORMASAUN TAN DERE BA DEPUTADU JOSE TEIXEIRA IHA 728 7080

Tuesday, April 27, 2010

Bancada Parlamentar FRETILIN: Deklarasaun Politika






Dili, 27 de Abril de 2010

Nai  Presidente Parlamento Nacional

Ex.Cias

Deputado sira hanesan membro Parlamento nacional no representante Povo nia, iha dever hodi haburas, no hamentin uma fukun ne’e nia knaar, hodi tatoli Povu nia preocupação ba Governo, no sai Povu nia lian, Povu nia isin, no materializa povo nia mehi hodi haburas no hametin ita nia independência.

Hau nudar Deputado hussi bancada FRETILIN iha knaar no iha competência tomak atu tatoli Povu nia lian no hussu ba Governo, tuir art. 9°, alinea h, no artigos 137° e  138° Rejimento uma fukun nia rasik.

Hau halo requerimento ida ne’e hau  hakarak hussu ba Governo atu bele hatan resposta ho escrito tuir Konstituição da República artigo 101° no. 2  e artigo 107°. Atu nune’e ita hotu bele hakruk ka halo tuir lei nebe iha. 

Declaração Politica.

Ohin hau hakarak koalia dalan ida tan kona ba Eletricidade iha Timor laran tomak em particular  iha Dili. To’o ohin loron Eletricidade sei mate moris hela deit ka AMP (Ahi Moris Pisca Pisca). Ita hotu la hatene tamba saida mak acontece hanesan ne’e to’o ohin loron?

Hahu aloka osan ba sector Eletricidade iha 2007 (fulan ne’e nia laran) $ 5 e tal mihões, 2008 aloka $ 6,495,000. Milhões iha capital desenvolvimento, Orçamento Ratificativo $ 9 Milhões, osan ida ne’e nia destino mos ita lahatene, tamba osan ne’e la consegue exekuta iha momento neba. Tuir mai iha ano fiscal 2009 Shr Pedro Lay ho Shr Januário Pereira mai apresenta tan osan ba sector Electricidade $ 87 Milhões.

Osan $ 87 M ida ne’e mak sai hanesan mehi ba AMP atu ita nia Povo hetan Electricidade lakan 24 horas, tuir declarações nebe nain ulun competentes sira halo beibeik iha media.

Ho osan 87 M ne’e, GAMP mak hakara sosa fali Geradores nebe tuan, e at liu tan mak geradores hirak ne’e consumo óleo pesado nebe ema matenek nain kategoriza hanesan Technologia Tuan, atu bele realiza mehi nebe ami hatete iha leten, maibe hanoin ambicioso ne’e laiha fatin tamba Plano estratégico laiha, la halo estudos de viabilidade e precisa duni halo estudos seluk nebe importante, hafoin aloka osan ruma ba kategoria Mega-Projecto.

Nain Presidente no maluk deputados sira.

Ho osan 87 M ne’e, sai mos hanesan desastre boot ida ba GAMP nia, tamba osan hirak ne’e mak aloka balu (nebe ita lahatene hira) ba iha Pacote Referendum. 

Resultado PR mak ita hotu hare no senti katak osan hirak ne’e hanesan soe deit ka fahe malu deit.

Iha inicio Tinan 2010 ida ne’e duni, GAMP halo lançamento primeira pedra ba Construção Central Eléctrica, depois de aloka osan hahu iha tinan rua liu ba (2008).  Construção central Foun ne’e mos to’o horas ne’e laiha progresso ba construção nebe refere.

Ho osan nebe ami temi iha leten to’o oin loron ita hotu lahatene, hira mak aloka ba iha Pacote Referendum e hira mak selu ona ba CNI 22nd ne’e. Tamba iha relatório de execução até ao quarto trimestre ano fiscal 2009 nia nebe ami simu iha semana kotuk hakerek, Construção da Nova central Eléctrica, Linhas de Transmissão e Supervisão ho osan 87 M ne’e dehan executa ona 91%. Hussi 87 M ne’e, 14,500,000 M hanesan orçamento Actual, alteração no orçamento 72,500,000 M e despesas em dinheiro 13,209,000 M.

Maluk sira, osan 87 M ne’e hamosu duvidas no procupações barak, hanesan:
-       Osan hira mak aloka ba iha Pakote Referendum?
-      Osan hira mak aloka ba halo construção linhas de transmissão?
-       Osan hirak mak selu ona ba companhia CNI 22nd.?

Ami hanoin iha buat balu nebe lao la los ona, tamba iha tan mos lista ida nebe mos hanesan “Lista do Pacote de Referendum do Sector da Electricidade” ho orçmaneto alokado 16,693 e tal M nebe to’o oin loron sei polemika hela. Lista ida ne’e ami hakarak hatete katak, iha duni mal administração e korupção. 

Tamba Shr. Januário no Shr. José Manuel Carascalhão comenta razões nebe diferentes. Ida hatete lista ne’e Pacote referendum e ida fali hatete Lista Laos pacote referendum maibe pacote emergência. Se hanesan ne’e GAMP ida ne’e hamosu tan pacote emergência. Oin nusa ita bele servisu no desenvolve Nação ne’e, se ita idak idak halo buat hotu hotu tuir nia gosto?  

Bahinra Fretilin quetiona Projectos hussi lista ne’e, Shr. Januário defende an hatete katak laiha família ruma nebe involve iha projectos hirak ne’e. Ami hakarak hatete katak projectos hussi lista nebe refere ho osan nebe aloka ba  projectos hirak ne’e maka sai problema boot. Tamba osan hirak ne’e aloka la tuir volume servisu, ka BoQ, piur liu tan maka la halo processo aprovisionamento nebe legal, hili malu.

Ami bele fo exemplo ida hanesan osan nebe alokado exagerado, hanesan contrução linhas de baixa tensão, postes de electricdade hussi Laga – Baguia – Afaloikai ho osan $ 4,669,223.68 M companhia “Alvorada Limitada”. E piur liu tan companhia nebe kaer projecto ne’e desconfia shr. Júlio Alfaro nia família. At liu tan maka Shr. Júlio racik mak assina ba lista nebe refere.

GAMP hatete katak companhia estrangeiro labele envolve an iha projectos pacote referendum nia maibe hussi lista nebe refere iha mos companhia ida, “Machineries, Unipessoal Lda” nain estrangeiro nebe kaer projecto tolu hanesan: Distritu Suai ho osan $ 1,124,228. 35; Samoro – Oebaha Oecussi $ 507,235.18 e Mehara Lospalos $ 127,742,68 Mil. Companhia estrangeiro ne’e hetan projecto ho total orçamento $ 1,759,206.21 M.

Construção redes de Electricidade hirak ne’e mos sai hanesan preocupação boot ba ema sira nebe iha sentido Nacionalismo, tamba qualidade projectos sira ne’e la diak. Postes nebe hari iha Díli laran mos kleuk tun sae deit, la halo alicerce ba postes hirak ne’e ho diak, fio electridade nebe instala ne’e mos la halo kaber, fio hirak ne’e bobar malu hanesan ema balu bobar malu atu naok deit osan. Iha sexta feira semana kotuk hetan circuito boot de electricidade ba fios sira nebe Shr Januário haruka instala. Ne’e hatudo momos katak laiha duni capacidade halo plano, laiha sentido Nacionalismo hanoin boot liu ba nia enteresse deit. 

Acontecimento ida ne’e precisa halo investigação tamba instalações redes de electricidade hirak ne’e foun e seidak usa to’o fulan.

Electricidade iha Díli laran horas ne’e mate lakan, dehan capacidade mak lato’o ona tamba dehan iha aumenta ba edificações, maibe ita haluha tiha katak se iha duni aumento edifícios hirak ne’e ita tenke hanoin ona tinan ida antes, katak plano desenvolvimento ne’e hatene ona, ita labele naran tur halo hanesan ema mehi.

Ita bele hare, ba iha fatin Turismo Área Branca Díli, kalan kalan Electridade iha fatin neba lakan kapas no nabilan, coitado ba iha Povo maubere nia uma sira iha Díli laran nakukun, tenke halo cortes tamba deit dehan capacidade geradores la to’o, maibe fatin nebe refere electricidade hussik hela lakan loron kalan. Maibe ita nia povo nia uma electricdade haruka halo mate tiha. Maluk sira, ami hanoin GAMP ida ne’e halo descriminação boot, la hanoin duni nia povo tamba cria condições diak ba capitalistas e halo finge ignora tiha povo aileba nia condições. 

Ita nia Povo aileba buka sira nia moris faan sasan ruma iha dalan mos haruka prende hotu. Ami hussu atu tenke cria condições uluk ba ita nia povo, laos tamba deit Capitalistas, ita haluha ita nia povo.

Iha Distritos mos Electricidade la lakan, hanesan Manatuto fulan tolu ona mak sira tur iha nakukun laran tamba dehan geradores mak avaria, iha Oecussi mos problema Gestão ba Combustível. Companhia nebe tenke tula mina ba Oecussi GAMP seidauk selu to’o ona fulan nen resin, Iha Maubissi Gerador nebe fornece electricidade halo Poluição makaas, tamba gerador ne’e la halo manutenção ho diak, Maubere nia oan sira nebe hela besik iha fatin neba bele hetan moras respiratório hotu, tamba Poluição ne’e.  

Incapacidade, Iresponsabilidade maka GAMP labele e labele halo desenvolvimento ne’e ho diak. Osan tokon ba tokon besik rihun tolu (3 biliões) mak gasta hotu tiha ona maibe Desenvolvimento mak lao hela iha fatin deit.

Tamba ne’e hau hussu no exige ba Parlamento ida ne’e atu hari Inquerito Parlamentar ida atu bele investiga ba assunto nebe refere.

Ba ita boot sira nia atensaun hau hato’o Obrigado barak.


Inacio Freitas Moreira
Deputado Fretilin

TIMOR POST: Teixeira: Muda Lei FP Bele Lori ‘Dezastre’ Mai TL




27 Abril 2010

DILI-Deputadu Jose Teixeira husi bankada Fretilin iha Parlamentu Nasional, hatete katak kuandu governu AMP hakarak muda  lei fundu petrolifeiru ho ‘sabraut’, bele lori kiak mai povu TL.
“Ita bele sai kiak, kiak rabat rai,”dehan Teixeira ba Timor Post horisehik.
Nia fo exenplu rai ida naran Nauru iha Pazifiku de Sul  nebe uluk tau nia fundus iha banku to’o  valor boot. Maibe,  estadu Nauru hasai tiha fundus   ne’e husi banku no ikus mai merkadu iha nasaun ne’e monu tanba asaun barak liu maka tama ba Australia.
Tanba ne’e, dehan nia, kuandu governu muda lei FP ho la kuidadu, bele lori TL nia ekonomia sai at liu tan iha futuru oin mai.
Nia dehan lei ne’e bele hetan revizaun, maibe tenki halo ho kuidadu.
Tanba , dehan Teixeira, kuandu atu hasai porsentazen  nebe agora dadaun hakerek iha fundu petrolifeiru,rendimentu sustentavel ne’e  iha legasaun ho funan nebe mak  manan.
Nia hatutan  uluk governu Fretilin  hakarak rai osan FP ne’e  iha banku Amerika, tanba banku ne’e seguru liu.
“Uluk desijaun ne’e halo tanba investimentu iha asoins estadu nian, iha rekuinesidu nudar invetimentu rating credit nian AA+ Class ,ida seguru katak wainhira ita hatama osan iha neba asoins ne’e garantia total husi governu Estadus Unidus, osan ne’e ita nunka lakon,”dehan Teixeira.
Nia afrima katak, governu hakarak muda lei tanba hakarak, investe FP makas liu iha merkadu. Maibe  tuir lei FP bele investe deit 10% iha stock market, no ha bolsa deasaun iha merakadu iha stock market ne’e, dehan nia.
Maibe Teixeira hatete iha merkadu kreditu     ninia siguransa minimu liu no se  buat ne’e laiha siguransa. Bainhira  iha krize ekonomiku global ruma osan nebe ihastock  market ne’e bele lakon, dehan Teixeira.
Nia fo exenplu ema ida nebe  ivenste $1 bele lakon to’o 60 centavos ,ne’e akontese ona ba rai barak hanesan iha fundus Norwegia sira ne’e.
Nia hatutan katak problema ida mos bainhira hasai fundu petrolifeiru depois hatama mos iha stock market. H hanesan  hasai FP husi banku  Federal America nian ne’e  risku bo’ot ona ba osan tanba fundus  petrolifeiru  ne’e, depois osan nebe FP iha agora  mos seidauk barak, i kampu produsaun mina mos ida deit Bayun Undan no ida seluk kiik liu, dehan nia.
Tanba ne’e ho planu governu nian halo refizaun lei FP para hatama osan ba stock market barak liu. Maibe waihinra krize gobal ruma mosu osan ne’e lakon sei lakon dala ida deit, dehan nia.
“Ne’e mak  hau dehan ita hakarak halo revizaun. Ita atu halo revizaun ba saida?Se halo revizaun para hasai fundus ne’e bo’ot liu hau hanoin revizaun sala ona,” dehan Teixeira.   
Entretantu Xefe bankada KOTA deputadu Manuel Tilman  dehan  atu halo mudifikasaun para halo  diversifikasaun de aplikasaun ba lei FP no hetan rendementu, ne’e diak. Maibe nia husu lalika muda lei FP nebe kria tiha ona.
“Hau nia hanoin ita lalika book lei ne’e , ita hasai fali osan balun husi neba hodi hari fundus seluk ida naran fundus dezenvolvimentu estratejiku,”dehan Tilman.
Nia dehan fundus dezenvolvimentu ne’e bele halibur osan to’o 10 billiun,atu nune’e fasil  liu atu aplika.
Nia hatutan se  lei fundu dezenvolvimentu ne’e kria ona   porcentu 30, tenki investe iha rai laran. Porcentu 30, tenki investe iha fatin nebe besik TL hanesan Darwin , Kupang , Atanbua , Jokjakarta ,para TL bele metin no  TL   mak  bele influensia iha negosiu. Depois porcentu  40 mak bele ba  investe iha merkadu hanesan America  Australia, Tokya, ou iha  Europa nebe hodi nune’e  bele hetan sustentavel hodi  bele implementa  planu PDN .
Iha parte seluk PM Xanana hatete katak governu iha ona hanoin atu muda lei FP, para hasai osan hodi investe mak barak I bele inplementa planu PDN ne’e nebe agora dadaun nia  halo konsulta . Tanba bazeia ba lei FP nebe hasain deit  3% kuaze osan $430  miliaun ne’e sei la sufisiente atu implementa PDN,iha parte ida tuir PM Xanana nia hare osan FP agora dadaun  sae ona ba bilaun $4.7.
Entertantu diretur ONG Luta Hamutuk Mericio Akara hateten katak atu muda lei FP ne’e laos kestaun importante maibe importante maka kapasidade de ezekusaun bain hira hakarak muda lei refere. (manuel da silva/agus dos santos).

Monday, April 26, 2010

Deklarasaun Politika: Xanana Abuza Orsamentu Estadu Halo Pre-Kampanha





DEKLARASAUN POLITIKA

BANKADA PARLAMENTAR FRETILIN

Dili, 26 Abril 2010

HUSI XEFE BANCADA ANICETO GUTERRES

Nain Presidenti em exercisiu,
Senhores deputados no Senhoras deputadas,
Povo Maubere tomak.

Titulu: “Sr. Xanana Abuza Orsamentu Estadu Halo Pre-Kampanha”

Sr Presidenti em exercisiu.

Iha semana liu ba ita hotu testemunha espetakulu iha distritu Lautem neebe Sr Primeiru Ministru de facto hanaran “consulta publica” maibe iha liu mak karakter “kampanha politika”.

Maibe hanesan populasaun barak neebe atende, em ves de “consulta publika” sai fali “dictatorial publiku” tamba sorumutuk konsiste ho Sr Primeiru Ministru de facto hakilar ba sira ba horas rua ka tolu, depois tuir mai sira iha deit minutu ida ka rua atu bele fo sai sira nia hanoin, maske sira mak tahan nia kleur liu.

Esplikasaun formal neebe ita hotu simu, mak Sr PM de facto ba halo consulta publika kona ba documento ida nia hanaran Plano Estrategico de Dezenvolvimentu, neebe nia halo iha fulan tolu bainhira nia ba retiru iha Balibar. 

Iha semana hirak oin mai bancada FRETILIN sei fo sai formalmente FRETILIN nia hanoin kona ba dokumentu ida nee, neebe tuir lolos seidauk fahe ba opozisaun, sosiedade sivil ka ema seluk.  Ema hotu neebe lolos iha direitu atu simu atu bele halo analisis, la simu.

Oinsa ita nia Povo bele akompanha ho didiak se sosiedade sivil no sira rasik seidauk simu no hetan oportunidade atu analisa no hatan sira nia hanoin?
Tamba laos intensaun atu halau consulta publika, maibe atu halo kampanha politika deit.  Ita neebe akompanha liu husi reportagem, halo ita hanoin fali ba tempu kampanha tamba Sr PM de facto nia koalia, ka atu koalia lolos liu, nia hakilar no nia halo hanesan tanis ka emosional, hanesan kedas tempo kampanha, bainhira nia hakilar: ”nauk lima sent deit sai!!!!!”.  Agora la iha buat ida tamba KKN nee uang rokok deit.

Tuir informasaun segura neebe bancada FRETILIN simu husi povo neebe partisipa, no neebe ami hare iha TVTL nia cobertura, ida nee “One man show”, ka “espetakulu unipessoal”.  Laos deit Povo baibain mak loalia hanesan nee, maibe AMP barak mos.  Ministrus relevantes la hetan konvite, maske iha buat barak tekniku, neebe lolos sira mos, no sira nia teknikus tenke esplika.  Maibe la presiza tamba no fim de enkuantu, laos consulta publika maibe “kampanha politika.”

Ida nee kestaun seriu tamba ita hare katak delegasaun ida neebe bot tebes haan rekursus finanseirus barak tebes husi estadu RDTL.  Tamba programa ida nee iha natureza politiku em ves de servisu governu nian, entaun tuir ami nia hare viola Kodigu Penal hanesan tuir mai:

Artigu 296  Pekulatu ho uzu Funsionáriu ne'ebé uza ka husik ema-seluk uza     ba fim ne'ebé la tama iha nia destinu veíkulu ka koiza movel seluk ho valór signifikativu, ne'ebé tama iha nia liman ka nia bele kaer tanba nia funsaun, atu hetan ba nia ka ba ema-seluk benefísiu ilejítimu ka hamosu prejuizu ba ema ruma, sei hetan pena prizaun too tinan 2, kuandu buat sira ne'e tama iha nia liman ka nia bele kaer tanba nia funsaun.

Artigu 297 Abuza podér

Funsionáriu ne'ebé abuza podér ka viola obrigasaun, ne'ebé mai hosi funsaun ne'ebé nia kaer, atu hetan benefísiu ba nia ka ba ema-seluk ka hamosu prejuizu ba ema-seluk sei hetan pena prizaun tinan 1 too tinan 4, kuandu dispozisaun legál seluk la haruka aplika pena todan liu.

Tuir Artigu 302, Kodigu Penal nian, Konseitu “funsionáriu” “ba lei penál nia efeitu, sei aplika mós títulu ida-ne'e nia dispozisaun ba ema ne'ebé ezerse funsaun polítika, gover-nativa ka lejislativa.”

Sr. Presidenti.

Nee klaru katak inklui membru governu ka se se mos neebe uza ka abuza rekursus estadu nian ba objetivus politikus, hanesan halo dadaun. 

Iha tinan hirak liu ba ita rona sr PM de facto fo sai moralidade barak kona ba nesesidade de-politisa funsionalismu publiku, maibe no fin, de enkuantu ita hotu testemunha katak funsionarius publikus barak mak hetan diretiva atu partisipa.  Bancada FRETILIN la fo sala ba sira tamba sira tuir deit diretiva neebe tuun husi gabinete PM de facto nian.

Ita rona deit lia fuan balun neebe PM de facto koalia iha nia intervensaun neebe Povo no partisipante sira seluk tenke tahan ba horas tolu ka haat ka liu. 

Sr Presidenti.

Konseitu konsulta publiku nee bancada FRETILIN hatene saida mak nee.  Ita besik hotu hatene tamba ita besik hotu ou halau konsulta publiku antes ka ita atende.  Konseitu konsulta publika nee bainhira ita ba apresenta konseitu ka programa ruma ba Povo no buka sira nia kontributu, sira nia neon, sira nia visaun, sira nia aspirasaun. 

Ho kontrastu mak “kampanha politika”, neebe ita lori ita nia visaun politika, ita nia promesas, ita nia ideologia atu ba konvense ema katak siratenke fiar mak ita atu ukun em ves de fiar ema ka partidu seluk.  Ida nee duni mak ita testemunha Sr PM de facto halo; ba faan nia promesa politika, ba tinan rua nulu maske iha tinan badak ita sei ba eleisaun geral fali.

Hanesan chefe suco ida dehan, nia mai faan nia ikan ba ami horas ida ka rua, maibe ami bele ema rua rua husi suco ida idak deit mak koalia, no depois sira fo deit minutu rua atu ita bele koalia.

Maske halo duni kampanha politika, Povo barak mak depois sei iha duvida barak, hanesan, oinsa mak nia atu selu projetus neebe nia promete ho montante dolar milyar sanulu.  Dollar myliar sanulu, maibe hanesan nia rasik mos rekonhese iha neeba, Pakote Referendu ho montante tokon hitu nulu resin ualu mos nia la konsegue kontrola agora dun fali empresarius maibe nia la responsavel.  La iha membru governu ida mak simu responsabilidade; dun fali empresariu sira.

Iha Dili ita hare katak reabilitasaun linha distribuisaun ho valor tokon rua resin deit mos sira la konsege kontrola, maibe hakarak gasta nafatin ba projetu boot tebes.  Fornese bee iha sidade Dili mos la konsegue maibe hakarak halo porjetu dalan atus ida bot liu fali.  Taka kuak mos la hatene maibe hakarak loke dalan barak liu, halo tunnel ka kehe foho atu loke dalan.

Hodi rekursus estadu nian, Povo nian ba halo kampanha politika nee assuntu seriu, maibe espetakulu neebe ita assiste iha neeba hanesan komedia ida fali bainhira ita hare buat neebe promete no jeitus neebe hodi apela ba ema nia emosaun, dalan ruma ho ida tanis neebe “biasa” ona ba ita hotu.

Ita hare hakilar mos iha, hanesan ditador balun halo iha mundu.

Bancada FRETILIN preokupa katak fenomeno usa osan estadu atu halo publisidade ba aan husi membru governu barak aumenta ba bebeik.  Revista nabilan neebe kusta osan barak neebe nakonu ho sira nia fotos semana semana.  Ita hare placard barak agora iha dalan, hanesan ida tara iha tempo komemorasaun tinan PNTL nian, iha fali politiku nain haat sira nia oin, no komandante PNTL nian, iha neeba kompletu ho boina, du ke tau imagen ema polisia nian neebe merese atu simu rekonesimentu iha PNTL nia laran.

Hanesan duni estadu autokratiku neebe iha deit partidu ida hanesan Golkar iha Suharto nia tempo, ka Portugal iha Salazar nia tempo, ka Italia iha Mussolini nia tempo.

Iha sentidu ida nee publicidade husi orgauns soberania politisisadu hotu ba personalidade ukun nain nain tolu nian deit.  Spandu kona ba portal internet estadu nian mos iha Sr PM de facto nia retratu hotu.

Usa osan estadu atu promove imagen pessoal no politika nee inaseitavel iha demokrasia konstitusional ida nia laran. Tanba nee bancada FRETILIN sei urgentemente halo proposta lei ida atu kontrola gastus hirak nee, tamba ho pre-kampanha neebe ita hotu hare halo iha Lautem neeba, bele orsamentu barak liu mak usa fali ba publicidade oioin no fins politikus oioin iha kurtu prazu.

Iha semana liu ba ita hotu rona Ministru Negosius Estrangeirus de facto akuza Senhor Agio Pereira selu jornalista sira atu sira publika tuir nia hakarak, no katak nudar porta voz governu de facto nian nia halo ida nee atu kontrola sira. No hanesan Sr Enginheiru Vice PM de facto Mario Carrascalao dehan, “ita hotu hatene Sr Agio kontrola jornalista sira” iha semana liu ba.

Ita la hatene buat hirak nee, maibe tamba laos opozisaun mak akuza, governu de facto nia laran rasik mak fase roupa nee ba publiku, entaun ita tenke simu avizu ida nee, maske sei tenke investiga atu verifika se los ka lae.

Lei especial neebe bele kontrola utilizasaun osan estadu nian ba publicidade neebe iha karater politiku sei sai nudar hakat boot no diak ida atu reforma atividade politika no eleitoral atu halo ita nia demokrasia transparente liu no justu liu.

Bancada FRETILIN hein katak proposta lei nee sei hetan apoiu husi deputadus hotu iha uma fukun ida nee bainhira hatam ba meza.

Orbigadu ba tempo.






Saturday, April 24, 2010

TIMOR POST: Teixeira: Xanana Lori Osan Estadu Halo Kampanha Politik







24 Abril 2010



DILI-Membru Parlamentu Nasional husi bankada Fretilin deputadu Jose Teixeira hateten Primeiru Ministru Xanana Gusmao gasta osan estadu nian hodi halao ninia interese politiku Timor Leste tomak.

Deputadu Teixeira konsidera konsulta publiku konaba Planu Estratejiku Dezenvolvimentu Nasional nebe maka PM halao ne’e nudar pra -  kampania ida.

Nia dehan PM Xanana  uja osan estadu nian halo kampania pulitiku tanba, konsulta publiku nebe nia halo ne’e nein membru governu ida involve.


“Se ita atu halo konsulta publiku hau mos hatene uluk hau halo konsulta publiku barak,ita bolu lai mos deputadu hanesan opozisaun sira hanesan uluk Fretilin halo lei minarai, lei fundu pretrolifeiru, nene Fretilin lori deputadu sira hotu ba halo konsulta publiku,”dehan Teixeira, ba diariu ne’e, Sesta (23/4) iha uma fukun PN.

Nia dehan katak , dokumentus PDN nemos sedauk sai ba publiku,I publiku hanesan sosiadade sivil,ministru sira rasik nebe servisu iha governu mos seidauk hatene dokumentus PEDN.

“Hau dehan planu laos planu governu nian maibe planu  hanesan mehi “komadante jeral” nian deit,”dehan Teixeira.

Nia dehan iha Lospalos kinta (22/4) liu ba PM Xanana  kolia oras tolu xefi suku kolia minitu rua deit. Ida ne’e laos  konsulta publika ona tanba konsulta publiku PM Xanana tenki rona opiniaun husi publiku laos ba esklarese fali hanesan  halo kampania, dehan nia.

Konaba deklarasaun PM Xanana nia iha Lautem katak nia hamosu PEDN tanba Fretilin fala halo revizaun ba PDN iha 2002, deputadu Teixeira dehan katak ne’e lalos.

Nia akresenta katak, planu dezenvolviemtu nebe mak uluk governu Fretilin halo iha 2002, 2003 no  2004, hetan duni revizaun. No iha 2005,  Fretilin kria programa de investimetnu sektorial.

“Nia (Xanana) koalia sala wainhira nia dehan iha tinan walu laiha revizajaun ba planu dezenvolviemtu nasional, ne’e lalos. Tanba iha 2004 halo duni ida *road map*.Halo hamutuk ho doadores sira ne’e halo hanesan aktulijasaun depois halo mos programa de investimentu  sektorial nebe halo iha 2005, nene dehan aktualija nemak nia dehan planu nasional ne’e la halo revizajaun iha tinan walu nia laran ne’e deskulpa premeiru ministru defaktu maibe ne’e sala bo’ot,” akresenta Teixeira.

Maibe agora PM Xanana hakarak halo fali planu dezenvolvimentu ida nebe gasta osan deit. “Agora sira gasta besik 3 miliaun dollar Americano, hamutuk ho doadores 5 milliar resin,iha tinan rua ho balun nia laran deit ida ne’e saida mak mosu,” dehan Teixeira.

Deputadu Osoriu Florindo  hafrosa  hanoin deputadu Teixeira katak,planu PM Xanana  planu ne’e  mamuk, i hanesan  mehi nebe  bo’ot liu.

“Nia (Xanana) hakarak  to’o 2020 no 2025, nia hakarak Timor tomak ne’e iha buat hotu , elitrisidade estrada , be ponte kais buat hotu-hotu,agora perguntas husi povu nebe ami akompania katak foti osan husi nebe atu realija nia mehi,”dehan Osorio.

Nia dehan tinan rua AMP  gasta 3 milloens de dollar nein kuda doit ida atu hetan fali osan ne’e.

Nia dehan se osam minarai  iha 2013 maran no  agora seidauk governu seidauk kuda buat ida. (manuel da silva)

Wednesday, April 7, 2010

STATEMENT TO PARLIAMENT: AMP MUST TAKE RESPONSIBILITY FOR BEBUI IRRIGATION CONSTRUCTION FIASCO






FRETILIN

PARLIAMENT OF THE DEMOCRATIC REPUBLIC OF TIMOR-LESTE

STATEMENT TO THE PARLIAMENT

Dili, 5 April 2010

Today in this parliament, FRETILIN wants to raise the issue involving the budget expenditure for Construction of the Bebui Irrigation Scheme, which commenced in the 2008 Fiscal Year with an amount of US$1.1 million, US$4.805 million for the 2009 Fiscal Year and a further budget allocation of US$2.664 million for the 2010 Fiscal Year, totalling US$8.569 million.

As we all know the construction of the Bebui Irrigation scheme is running beyond the contract time, originally meant to take one year, it has already been undergoing construction for three years for the above-mentioned budget.  The de facto government itself has said that the people of Uatolari will continue to receive subsidised rice to the value of US$30 per month from the time the construction commenced.  However, the people of Uatolari are saying as we have all heard on TV Timor-Leste, that they want to buy subsidised rice but it is not available for them to buy.

Members of Committee G of this parliament effected a field visit to the construction site and has seen the result of the delay in the construction, the poor quality of the Project which is not to construction standards, and even worse the irrigation channels have been built as if they were building a wall for a house (please refer to the photos). 

The company that was contracted is “United General Constructions.” This company, UGC commenced the construction by itself, but after 6 (six) months UGC engaged a sub-contractor, named “Rocky Constructions”.  It is clear from all that we have seen from the carriage of this contract by UGC that this company does not have the capacity and conditions to undertake the construction of this Irrigation Scheme.  

The State, through the Government must already know that this company had problems with the Gleno Prison rehabilitation project in Ermera, because it has been established by investigation that the budget allocated in this prison rehabilitation project did not conform with the technical calculations or the Bill of Quantities, or that the budget allocated was in excess of the required works.

Why has the Government, especially the relevant ministries or departments continued to grant construction contracts to this company?

Mr. President, fellow Deputies (MPs).

When we look at the whole of the Bebui Irrigation Scheme Construction this contract process, we see strong indications of “Conspiracy, Nepotism and Payoffs” having been involved.  Why else would such a large project involving a budget of US$8.569 million did not undergo a tender process but was instead single sourced, or in other words, selecting friends?

The other grave concern we have is that in the Sub-Contract Agreement Ref. No. RCPL-UGC/ITB 810827/SUBCON 09-001 between IGC and Rocky Constructions PTY LTS. 

Article 6 of the Agreement regarding the Contract Costs states amongst other things:

6.2 The agreed Sub-Contract price is in US Dollars and are: US$3,900,000.00

6.5 The Sub-Contract costs include all obligations (obligation to import construction material), to pay 2% duties, and other duties and taxes payable by the Sub-Contractor.  If the Principal Contractor is for some reason liable for payment of any duties that should be payable by the Sub-Contractor, such payments that may be made by the Principal Contractor shall be deducted from the total moneys payable to the Sub-contractor for construction progress payments. 

Mr. President and fellow deputies.

Our view is that UGC could not have legally entered into the Sub-contract, but what is worse is that certain members of government knew of the Sub-Contract having been entered into, worse because although the original contract amount was for US$8.569 million, the Sub-Contract was made for the mere amount of US$3.9 million.  

FRETILIN considers this to be criminal behaviour, and that the company involved, UGC, needs to be investigated urgently, as well as the relevant Ministries, because the state has been deceived and there has games played with the peoples’ money.

Friends, the Sub-Contract entered into by UGC breaches the Procurement Law, and worse, the Sub-contracting at less than 50% of the original contract price ($8.569 million) as far as we are concerned is criminal conduct that has to be thoroughly investigated.

The technical design as far as we are concerned can only be considered to be draft designs, because they were not at any stage approved by certified engineers, and worse, they did not comply with construction engineering standards.

We also understand that there are always Consultant’s and Management Fees in such construction contracts.  However, the Bebui Irrigation Construction is relatively straightforward construction, because it involves the constructing a simple dam and intake.  Even this was not designed or constructed utilizing standards, with the canals being constructed as if they were a wall for a house, and some to this day have been left abandoned (see photos).

The budget allocated was not according to the Bill of Quantities, because no in depth technical survey was done and the moneys were allocated by guesswork.

Let’s compare this with look the previous construction of the Laclo Irrigation Construction in Manatuto, which cost US$6,701,122 million.  The Consultant’s, Management and other associated fees totalled US$2,400,870.  The construction of the Laclo Manatuto irrigation scheme was completed with high quality and to a high standard and the canals were dug in to the ground.

We have to make this comparison because this is the Peoples’ money we are talking about here.  There can be no justification based on how long ago it was because after all building material costs have fallen because of the AMP government’s own reform of the Tax Laws.

There are many other examples of such incompetence by this Government including the Baucau Reference Hospital, which has been due for completion for more two and a half years but which is now abandoned.  We have heard all sorts of statements about it in the press but to date there has been no progress whatsoever and it has just been left idle.  This is a demonstration of this government’s irresponsibility.

Many Referendum Package projects have resulted in works of inferior quality, like the construction of the Wereca-Lacluta River Irrigation Scheme.  The protection banks were brought down by water from the first rains.  It is nothing more than throwing out good money.  The construction was not according to standards there either.  Constructions are simple done according to personal whims. The AMP government has to take responsibility, because it is a result of their lack of planning on projects that are implemented recklessly (see photos)

For these reasons FRETILIN demands from the Government that the following documents be delivered to this parliament:

·      The Bebui Irrigation Scheme Contract with United General Constructions.
·      The Sub-contract Document with the Sub-contractor Rocky Constructions.
·      All other documents relevant to this contract.

With this FRETILIN demands this parliament to urgently establish a Parliamentary Inquiry to get to the bottom of this issue.

I thank you all for your attention.

Inacio Freitas Moreira
Deputado (MP) FRETILIN

Note: Photos were tabled with the statement that are available from FRETILIN. Media at fretilin.media@gmail.com


Tuesday, April 6, 2010

Deklarasaun Politika: Projetu Kontratu Irrigasaun Bebui, Uatolari, Viqueque.


PARLAMENTU NASIONAL RDTL


Dili, 06 Abril 2010

Declaração Politica.

► Ohin Bancada Fretilin hakarak koalia kona ba Irrigação Bebui ho orçamento nebe aloka hahu Ano Fiscal 2008 ho montante $ 1,1 milhão, iha Ano Fiscal 2009 aloka $ 4,805 milhões e Ano Fiscal 2010 aloka tan 2.664 milhões, nebe osan total ba Irrigação ne’e hamutuk $ 8,569 milhões.

Hanesan ita hotu hatene ona katak Construção Irrigação Bebui atrasado, ba tinan ida ne’e lao ona ba tinan tolu hahu aloka osan hanesan hatete iha leten. Ita nia povo iha Uatulari labele halo natar. Governo de facto racik hatete katak povo Uatulari sei simu fos MTCI saka ida ida ho osan $ 30 cada fulan bahinra hahu halo construção ne’e. Maibe, povo Uatulari racik halerik hanesan ita hotu hare iha TVTL, povo Uatulari racik mos hatete iha TVTL, atu hakarak sosa fos MTCI, maibe Fos MTCI mos la faan iha neba.

Resultado fiscalização hussi Comissão G, hare resultado construção atrasado, qualidade projecto la standard, at liu tan kanal irrigação nia forma halo fali hanesan didin uma nia, (hare foto).

Projecto Irrigação Bebui hetan Contrato hussi Companhia “United General Constructions”. Companhia UGC ne’e hahu construção ne’e mesak, hafoin to’o tiha fulan 6 (nen) companhia UGC ne’e halo fali Sub-contrato ida ho Companhia “Rocky Constructions”. Bahinra ita hare ba hahalok ne’e companhia UGC ne’e laiha duni capacidade e condições atu halo projecto construção Irrigação ne’e.

Estado, liu liu Governo hatene ona katak companhia ne’e iha problemas ba rehabilitação Prisão Gleno Ermera, tamba osan nebe aloka ba rehabilitação Prisão ne’e la tuir calculo tecnico ka BoQ, ka osan nebe aloka ne’e exagerado!...

Tamba saida mak Governo liu liu Ministério no departementos competentes fo tan contrato Projecto boot ne’e ba companhia ne’e?

Nain Presidente no maluk Deputados sira.

Bahinra ita hare fila fali ba hahalok iha leten, ami considera e desconfia katak processo hotu hotu nebe halo relaciona ho Projecto Construção Irrigação Bebui ne’e iha duni, CNS “Conspiração, Neopotismo e Suborno”. Tamba saida mak projecto boot ho orçamento $ 8,569 milhões ne’e halo processo aprovisionamento ho single sources deit ka hatudo malu deit?

Preocupação seluk nebe ami ami hare hanesan grave maka iha Documento Sub-Contract Agreement Ref. No. RCPL-UGC/ITB 810827/SUBCON 09-001 entre UGC ho Rocky Construtions PTY.LTD. (RCPL) iha artigu 6 kona ba Kustu Kontrato nia:
6.1. …..
6.2. Kustu Sub-Kontrato nebe konkorda tiha ne’e mak iha Dolar Amerikano nia hanesan: USD $ 3, 900, 000.00
6.3. …….
6.4. …….
6.5. Kustu Sub-Kontrato ne’e inklui obrigasaun hotu-hotu (obrigasaun atu importa material construsaun nia) imposto 2%, no imposto sira seluk nebe Sub-Empreteiro bele selu. Se karik Empreteiro principal iha efeito pagamento ba imposto ne’e ho lori naran Sub-Empreteiro nia, pagamento ida ne’e tenke selu husi Empreteiro principal  liu hussi hamenus tiha total pagamento osan nia husi progresso servisu Sub-Empreteiro nia.

Nain Presidente no maluk deputados sira.

Ami hare documento Sub-kontrato ne’e kontrator UGC halo la ho Base Legal, piur liu tan membros governo balu mak consiente halo Sub-Contrato ne’e, at liu tan mak osan nebe aloka hamutuk $ 8.569.000 Milhões maibe halo tan fali Sub-Kontrato ida ho kustu $ 3,900,000 Milhões.

Fretilin considera hahalok hanesan ne’e Crime, precisa duni halo investigasaun urgente ba Companhia UGC ne’e, no Ministerio nebe Competente, tamba bosok Estado no halo manipulação osan povo nia.

Maluk sira, Sub-Contrato nebe companhia UCG halo contra Lei aprovisionamento, piur liu tan Sub-contrato ne’e halo tan menos de 50% hussi total orçamento nebe aloka, (8,569 M) ami hanoin ne’e Crime precisa duni halo investigação.

Desenho Tecnico Irrigação ne’e ami considera hanesan Draft, tamba seidauk hetan aprovação hussi engenheiros nebe competente, e piur liu tan la tuir Desenho tecnico nebe Standart.

Ami mos compriende katak ho Orçamento nebe aloka ne’e ba; Construção Irrigação, Consultan no Managemen Fee. Maibe construção Irrigação Bebui ho nia tipo de Irrigação nebe halo Simples, tamba halo deit baragem ho Intake e piur liu tan construção ne’e la tuir Standart, kanal be nia halo fali hanesan parede uma nia e balu to’o oin loron abandona hela, (hare foto).

Orçamento nebe aloka la tuir BoQ, tamba la halo levantamento tecnico profundo e osan hirak ne’e aloka hanesan siik deit.   

Mai ita hakiduk ba kotuk hare fila fali ba iha Construção Irrigação Laclo Manatuto ho orçamento $ 6 701 122 Milhões ba Construção Irrigação. Consultan no Managemen Fee no seluk selu tan hamutuk $ 2 400 870 milhões. Construção Irrigação Laclo Manatuto halo ho qualidade e standard e kanal Be nia halo iha be okos.

Comparação ne’e ami tenke halo tamba osan ne’e Povo nia. Labele halo justificação tinan hirak ba kotuk mai to’o iha 2010. Preço materiais ba construção ita labele discute tamba AMP rasik halo tiha ona revisão ba Lei  Tributária.

Exemplo barak hatudo momos, tamba incapacidade Governo ida ne’e nia, maka construção Hospital Referencia Baucau, lao ona ba tinan rua resin ona maibe to’o oin loron projecto ne’e abandona hela…… Halo declarações oin oin iha media maibe to’o oin loron laiha progresso hussik hela deit hanesan ne’e.  Ne’e hatudo Iresponsabilidade Governo ida ne’e nia.

Projectos Pakote Referendum barak mak qualidade ladiak, hanesan Construção Irrigação Mota Wereca-Lacluta. Proteção ne'e toar bahinra mota tun primeira vez. hanesan soe osan deit. Construção la tuir Standart. Halo contrução tuir fali gosto. GAMP tenke toma responsabilidade, laiha plano halo projectos arbiru deit...... (hare foto).  

Tamba ne’e Fretilin hussu ba Governo atu bele haruka mai iha UMA FUKUN ida ne’e:
·      Documento Contrato Projecto Irrigação Bebui ho Companhia United General Constructions, UGC.
·      Documento Contrato ho Sub-Contrator Rocky Constructions.
·      E seluk seluk tan nebe precisa.        

Ho nune’e Fretilin hussu no exige ba Parlamento ida ne’e atu urgentemente tenke hari Inquerito Parlamentar ida atu bele hare assunto nebe refere.

Ba ita boot sira nia atensaun hau hato’o Obrigado barak.


Inacio Freitas Moreira

Deputado Fretilin