BANCADA PARLAMENTAR : FRETILIN
Dili, 7 Fevereiru 2011
“Greve Enfermeirus HNGV: FRETILIN Apela ba Calma, Husu Dialogo no Husu PN Halo Debate Urgensia Kona ba Greve nee no Governu de Facto Mai Explika PN”
Bancada FRETILIN ohin dader informa ba plenaria Parlamentu Nasional katak bancada sei hatama rekerimentu ba debate urgensia kona situasaun ameasa greve professionais saude nian iha Hospital Nasional Guido Valadares, no apela ba professionais saude no governu atu labele hola medidas atuasaun neebe bele iha impaktu negativu ba pasientes, maibe buka dalan dialogo hodi resolve problema ida nee.
Xefe bancada Deputadu Aniceto Guterres FRETILIN nian informa ida nee ba jornalistas mos ohin iha uma fukun ohin.
“Hanesan ema barak, ami mos preokupa ba situasaun grave barak neebe hamosu iha sector saude. Ami mos akompanha keixas katak ai-moruk la iha iha klinika no hospital barak. Tamba nee mak ami exigi katak presiza Parlamentu Nasional iha debate urgensia kona ba kestaun saude neebe hetan keixas barak, no presiza mos governu mai esplika tamba sa mak situasaun kona ba regime carreiras to’o iha situasaun ameasa greve? Ita hotu presiza buka resolve kestoens neebe haksesuk ita liu husi dalan dialogo. Nee mak debate urgensia nee buka atu halo, tulun
resolve tuir dialogo, nudar orgaun soberania neebe preokupa ho
situasaun,” deklara Sr. Aniceto Guterres.
Bancada FRETILIN husu ba mesa parlamentu atu respeita rekerimentu neebe bancada FRETILIN husu atu debate urgentemente kestaun ida neebe importante ba nasaun no povo tomak.
Ba informasaun tan dere ba Deputadu Jose Teixeira iha +670 728 7080
No comments:
Post a Comment