FRETILIN.Media

2010-2020: DECADE OF PEACE, STABILITY & DEVELOPMENT/DEKADA PAZ, ESTABILIDADE NO DEZENVOLVIMENTU

Media service of the FRETILIN party.
Servisu media partidu FRETILIN nian.

Contacts/contactus:

Deputadu Jose Teixeira
Tel. Mobile: +670 728 7080
Email: fretilin.media@gmail.com

Monday, April 2, 2012




UNDERTIM nia Vice Presidenti, Camarada Francisco Salsinha, no Veteranu, deklara nia apoiu ba Fracisco Guterres Lu-Olo, Candidatu Nasional Atu Sai Presidenti ba Povo Tomak!!!

(Maubisse, 31.3.2012)

Francisco Salsinha:

Ohin loron iha ne’e, iha simbolu husi partidi sira seluk ne’ebe fo apoiu ba ita nia kandidatu maibe UNDERTIM nian laiha, ami hakarak hato lolos. Ami simu orientasaun husi ekipa susesu katak ita nia kandidatu DR. Francisco Guterre Lu-Olo ne’e kandidatu nasional ne’ebe ami lalori bandeira mai apresenta iha ne’e.  Atu hatudu lolos katak bandeira lolos mak ami iha ne’e hau ho hau nia kordenador Ainaro nian ho mos kompanheiru diresaun nasional vice presidenti nain rua iha ne’e. Maibe hau husu ba vice presidenti nain 2 iha ne’e, Tais Metan Amu Alarico atu bele hamriik ho mos kandidata PR Angelita Pires. Nia kandidata independenti maibe nia mos iha strutura nudar nai ulun iha partido UNDERTIM.

Ami halo deklarasaun atu fo apoiu ba ita nia kandidatu Dr. Francisco Guterres Lu-Olo ne’ebe ohin loron ami mai hamutuk iha ne’e. Ami nia simbolu laiha ne’e, maibe hau tur iha strutura UNDERTIM nian nudar Primeiru Vice UNDERTIM, nudar mos fundador. Tuir mai iha mos sturutura vice presidenti husi Ainaro nian mak Alarico Tais metan, tuir mai Dra Angelita Pires ne’ebe iha ne’e.

Hanoin maluk sira hakfodak ituan tamba Presidenti L-7 fo apoiu ba kompanheiru Taur Matan Ruak, maibe ami vice presidenti nain hirak ne’e fo apoiu ba ita nia kandidatu nasional Dr. Lu-Olo. Maibe iha ne’e ba maluk militantes no apoiantes UNDERTIM nian, imi lalika hakfodak. Lia los mak ami hamriik iha ne’e hodi fo apoiu ba ita nia kompanheiru no ita nia camarada Dr. Francisco Lu-Olo. Ho razaun katak uluk ita iha rezistencia nia laran, hanoin kompanheiru sira hotu, liliu ba maluk funu nain sira iha Maubisse, antigos kombatentis no rezistencia tomak, haoin ita hotu hatene estrutura ne’ebe mak ita tau, iha rua. Ida mak kaer forsa no ida mak kaer politika. Mai hahu uluk husi ita nia Saudoso Presidenti Proklamador ho maluk kompanheiru seluk no saudoso sira ne’eb ohin laiha ita nia let, sira define katak laos kilat mak haruka politika maibe politika mak haruka kaer kilat. Ne’e klaru los ba ita bot sira. Ita sira ne’e uluk Falintil hotu, ita sira nee mesak resistensia hotu. Maibe ita mak haruka ba tiru laos tiru tiha mak halo politika.

Tamba ida ne’e, ho razaun ida ne’e maka ami iha UNDERTIM nia laran, ami define katak lia los maka ida ne’e, ne’ebe uluk iha baze de apoiu to’o ita nia maun bo’ot, ita  nia kompanheiru da Luta, ita nia camarada Dr. Lu-Olo, lori hatutan to ikus mai nia mos sai nudar diresaun ba funu ida katak ita iha ne’ba ikus mai mosu buat ida naran FRENTI POLITIKA INTERNA.  Se los mak diresaun secretario Frenti Politika Interna mak ita nia camarada Lu-Olo. Ho razaun ida ne’e mak ami UNDERTIM ne’ebe fundador inti ami fo ami nia apoiu tomak ba ida ne’e. Lia los mak ida ne’e. Ami fo tomak ami nia votu ba nia base politika mak deside buat hotu, politika mak haruka tiru, politika mak haruka oho, laos ita oho mak mai haruka politika nain sira koalia. Hanoin  lalos karik, ho razaun ida ne’e mak uluk iha baze de apoiu ita hatete, “Quem manda fugir, quem manda Politica, quem manda arma,  a politica manda arma. A politica manda fugir.” 

Hanoin ita bot sira ne’ebe uluk antigos kombantentes sira, ita ne’ebe mak uluk iha neba ita hotu hatene. Hanoin husi parte Maubisse nian mate barak iha neba. Hau rasik hamrik iha ita bot sira nia oin hau sai responsabel sira nian e sai asistenti sira nian iha centru Leste. Hau mak kaer sira, iha 10,00, maibe mate mohu iha Natarbora nia Leten, iha Aldeia ida naran Weberek. Karik ita bot sira iha ne’e hanoin atu husu karik, hau bele lori ita bot sira ba hatudu sira nia rate iha ne’ba. Ida ne’e mak hau hakarak hato’o ba ita bot sira katak ita hotu-hotu ita fo ita nia votu ba ita nia camarada, ita nia kompanheiru da luta Dr. Francisco Guterres Lu-Olo”.  Ida ne mak lia los.

Tuir mai, ida fali mos ohin loron ita hare. Hau rasik hamrik iha ita bot sira nia oin, hau halo reklamasoens oin-oin, ho ita nia kompanheiru Reis Kadalak, la marka prezensa, maibe loron seluk nia sei marka prezensa, halo reklamasoens atu hadia Lei veteranus, Lei Resistencia konaba buat ida naran dedikasun esklusivu. Maibe ohin loron governo hotu ona laiha realidade. Hau hanoin ida ne’e katak se mak halo konstituisaun, se mak halo Lei nia nain rasik aban bain rua sei hadia. Ho hanoin ida ne’e maka ami UNDERTIM ho razaun ida ne’e mak ami hamrik iha kandidatu nia sorin, ho militantes no apoiantes sira, fo votu ba iha ita nia kompanheiru ida ne’e.

Ho razaun ida ne’e mak ami UNDERTIM, dala ruma nain hira hakfodak katak Presidenti iha fatin ida, maibe vice Presidenti iha fatin ida. Maibe atu hakarak hato katak ami UNDERTIM laiha kandidatu ida e ami foti desizaun katak ami vota konsensia, ne’ebe ami ne’ebe ho grupu ida ne’e hamrik fo votu ba ita nia kandidatu Dr. Francisco Guterres Lu-Olo.  Ami ho hanoin katak ida ne’e mak los, Tamba ita nia muan Taur kaer forsa laos nia mak kaer politika.  Kaer politika maka ita Maun Lu-Olo.  Ho historia ne’ebe mai husi ne’eba ami fo apoiu tomak ba nia. Razaun ida ne’e mak ami UNDERTIM ami hamrik iha ne’e, biar presidenti L-7 hamrik ketak, ami iha ne’e hamrik ho lia los tuir mos lia los.

No comments:

Post a Comment