FRETILIN Ejiji Autoridade Kompetente Hapara konstrusaun “Pelican Pradise Resort”

FRENTE REVOLUCIONARIO DE TIMOR LESTE INDENPENDENTE

FRETILIN

Bancada Parlamentar de FRETILIN

Komonikadu ba Imprensa

 Bancada Parlamentar FRETILIN Ejiji Autoridade Kompetente Hapara konstrusaun “Pelican Pradise Resort”

Vice Presidente Bancada Parlamentar FRETILIN deputadu Francisco Branco ohin ejiji ba autoridade kompetentes liu-liu ba guvernu de faktu atu hola medidas urjenti hodi trava aktividade konstrusaun  Hotel boot Fitun Lima, ho naran “Pelican Paradise Resort”, iha dalan ninin tasi ibun Tibar tamba hodi bain rua hetan mate ruin nain hitu nian nebe suspeita makaas vitima husi krime militar indonesia nian.

Sr Francisco Branco hateten katak FRETILIN iha ona informasaun katak Komite 12 Novembru nebe hetan mate ruin ne’e, identifika ona husi restus faru nebe hamutuk ho mate ruin katak faru ne’e modelu hanesan husi tinan 1970’s no 1980’s nian, no ho ida ne’e indikasaun forte katak mate ruin ne’e iha neba tamba krime husi militar Indonesia sira durante tempu okupasaun.

“Tamba ne’e ami konsidera fatin tomak iha neeba hanesa fatin ‘Cena de Crime’ neebe bele sai nudar provas iha Tribunal ruma aban bainrua. Nune’e presiza preserva nudar provas maibe ita tenki kuidadu mos katak karik bele iha mate ruin seluk tan neebe hakoi iha fatin neeba,” deklara senhor Branco.

            Bancada FRETILIN mos anitisipa katak Ministerio Publiku mos bele halao ona prosesu atu hapara aktividade konstrusaun iha “Pelican Paradise Resort” tuir lei.

“Prosesu buka, hetan no investiga mate ruin husi violasaun direitu humanus iha tempu Tempu okupsaun Indonesia nian importante atu hetan justica no lia loos. Ita persiza respeita no fo apoiu ba matebian sira nia familia neebe iha direitu atu hetan justisa no lia loos. Tamba ne’e mak Bancada Parlamentar Fretilin ejiji tenke hapara konstrusaun, no investiga se iha mate ruin tan iha neeba,” Sr Branco ejiji .

 Informsaun kompletu kontak media officer Bancada Parlamentar FRETILIN

Lemorai  HP. 7345195, 7378247