Dili, 12 de Abril de 2011
Nai Presidente Parlamento Nacional
Fernando de Araújo – Lasama
Ex.Cias
Deputado sira hanesan membro Parlamento nacional no representante Povo nia, iha dever hodi haburas, no hamentin uma fukun ne’e nia knaar, hodi tatoli Povu nia preocupação ba Governo, no sai Povu nia lian, Povu nia isin, no materializa povo nia mehi hodi haburas no hametin ita nia independência.
Hau nudar Deputado hussi bancada FRETILIN iha knaar no iha competência tomak atu tatoli Povu nia lian no hussu ba Governo, tuir art. 9°, alinea h, no artigos 137° e 138° Rejimento uma fukun nia rasik.
Hau halo requerimento ida ne’e hau hakarak hussu ba Governo atu bele hatan resposta ho escrito tuir Konstituição da República artigo 101° no. 2 e artigo 107°. Atu nune’e ita hotu bele hakruk ka halo tuir lei nebe iha.
Declaração Politica.
► Ohin ami hakarak koalia dalan ida tan kona ba Eletricidade, AMP ukun atu to’o tan ona Eleição Gearl, maibe Eletricidade sei mate moris hela deit ka AMP (Ami Mate Permanente).
Povo hakilar loron kalan bahinra Electricidade mate lakan. Bahinra povo hakilar Governo ida ne’e sempre halo esplicação dehan Gerador mak avaria. Maibe liu tiha loron balu, Electricidade lakan fila fali, AMP gosta promete, hatete katak Electricidade agora lakan 24 horas. Realidade la hatudo to’o oin loron.
Geradores nebe sosa, hussi 2007, horas ne’e balu raun tiha ona. Iha 2008 aloka osan dehan atu hadiah Electricidade, maibe lakonsegue halo buat ida to’o 2009.
Iha ano Fiscal 2009 aloka tan osan tokon ba tokon, dehan atu sosa tan Geradores usados hussi China, maibe dala ida tan la konsegue executa osan ne’e tamba Timor Leste laos fatin sasan Usados hussi rai liur. Osan tokon ba tokon hirak ne’e mak aloka ba fali Pacote Referendum. Resultado projectos Pacote Referendum, maka oin loron Povo ida ne’e halerik ba Be Mos, Estradas nia condição at liu tan deit, Estradas Nacionais e Distritais barak mak kotu, GAMP lakohi fo atensaun. Hakarak deit mak halo “Proyek Proyek yang gampang untuk bisa mendapat dan membagi uang yang gampang.
Semana kotuk, bancada FRETILIN halo Declaração Politica kona ba Relatório Mensal Construção Central Eléctrica ho Torres nebe halo dadaun. Consultor Bonifica ho sira nia Qualificação Internacional halo relatório Progresso Construção ho lolos tuir realidade nebe iha, katak Companhia CNI 22 laiha prestação diak halo construção ne’e. Construção ne’e halo Rungu ranga deit la tuir Standarização.
Desde inicio FRETILIN questiona prestação Companhia CNI 22, bahinra asina liu tiha contrato ba projecto ne’e, companhia refere halo escândalo ba Estado Timor Leste, nebe falsifica documento “Advance Payment Garantee”. Iha momento neba FRETILIN Hussu kedas halo Investigação maibe GAMP hussik hela deit. Companhia refere continua halo projecto ne’e, tamba iha ona aman sarani nebe hanesan mata dalan no halo compromisso boot ba interesse privado. FRETILIN hussu halo investigação ba decisão ne’e, tamba lian anin lori historia hili Companhia CNI 22 ne’e naruk no nain ulun sira balu nebe involve iha processo ne’e hare hanesan face liman fali.
Nai Presidente no Maluk deputados sira.
Projectos barak nebe halo laiha kualidade, tamba projectos sira ne’e fo malu deit. Normalização instalações Electricidade iha Díli laran halo tiha ona no horas ne’e dadauk sei halo hela. Maibe Factos hatudo katak resultado ladiak.
Companhia balu lori tama osan boot liu hussi dalan imigração, kaer toman, maibe la halo processo ruma. Companhia refere hetan tan contracto hodi normaliza instalações electridade iha Díli Laran. Maibe Povo mak victima nafatin. Povo nia uma 10 resin iha Mercado Comoro hetan sunu horseik madrugada horas tuku 2 tamba circuito Electricidade.
Iha horas balu nia laran deit iha mos Poste Electricidade tohar monu iha povo nia uma leten. Poste Electridade ne’e GAMP monta iha tinan kotuk. Poste ne’e fácil tohar tamba laiha qualidade, betão armado ne’e halo ho Ø 6 mm no fio nebe halo ba bronson, Ø 4 mm composição cimento ho rai henek mos la halo ho standart no Poste ne’e nia laran mos mamuk.
Hahalok ne’e ami considera hanesan crime, tamba bosok, halo la tuir Norma ISO. Ho nune’e FRETILIN hussu atu halo investigação tamba Postes nebe hanesan monta barak iha Timor laran tomak.
Atu prevene, ami hanoin tenke halo investigação Técnico Cientifico, hafoin halo Investigação Criminal atu hatene lolos causa nebe acontece ba postes nebe tohar dadauk ne’e.
Ne’e mak resultado GAMP nia servisu durante sira nia governação.
Ba ita boot sira nia atensaun hau hato’o Obrigado barak.
Inacio Freitas Moreira
Deputado FRETILIN
No comments:
Post a Comment