FRETILIN.Media

2010-2020: DECADE OF PEACE, STABILITY & DEVELOPMENT/DEKADA PAZ, ESTABILIDADE NO DEZENVOLVIMENTU

Media service of the FRETILIN party.
Servisu media partidu FRETILIN nian.

Contacts/contactus:

Deputadu Jose Teixeira
Tel. Mobile: +670 728 7080
Email: fretilin.media@gmail.com

Sunday, July 1, 2012

FRETILIN: "Dr. Mari Alkatiri: Feto Ho Mane Direitu Hanesan"







Kampania FRETILIN: 
"Dr. Mari Alkatiri: Feto Ho Mane Direitu Hanesan"





TVTL:
Sabadu Kalan, 30 Junu 2012


Dezemvolve mini merkadu no sei tau atensaun ba rezistensia sai hanesan kumprimisiu politiku Partidu FRETILIN wainhira hetan asentu maioria iha Parlamentu Nasional.

Kestaun ne’e hato’o husi Sekretariu Jeral Partidu FRETILIN Dr. Mari Alkatiri iha kampania ho tipu dialogu ne’ebe hala’o iha Atabae Distritu Bobonaro.

Problema veteranu, estrada, Bee moos, Eletrisidade, Saude, esdukasaun no merkadu mini sai preokupasaun ne’ebe hato’o husi komunidade Sub Distritu Atabae ba Sekretariu Jeral partidu FRETILIN Mari Alkatiri iha kampania ho tipu dialogu, ne’ebe hala’o sesta-feira (29/6).

Hata’an ba preokupasaun ne’e, Dr. Mari Alkatiri hateten, bainhira povu Atabae Fo fiar ba FRETILIN liu husi votus iha dia 7 de Jullu, FRETILIN sei rejolve preokupasaun komunidade nian, tamba iha inisiu prinsipiu FRETILIN nian, Luta atu liberta Patria no liberta povu husi kiak.

"Se ita atu dezenvolve agrikultura, ita tenki dezenvolve mos merkadu, hau sa’e mai hau haree uma merkadu ne’eba mamuk hau dehan, ema sira ne’e mai fa’an iha ne’e se mak atu sosa, sira ba fa’an ne’eba se mak atu sosa, ida atu fa’an ne’e ema iha, hanesan ema natar nain sira, se husi Dili mak atu mai sosa iha ne’e diak liu sosa de’it iha loes ne’eba, buat sira ne’e ita tenki dezenvolve iha fatin estrategis para ema bele fila liman hodi ema sosa, laos ba halo uma narnaran deit depois Bibi ho Fahi mak nakonu," dehan Mari Alkatiri.

Iha fatin hanesan, kona ba feto rezistensia, fundador FALINTIL no Fundador FRETILIN Dr. Mari Alkatiri afirma, FRETILIN sei tau aas igulaidade de jeneru hodi tau matan ba feto rezistensia no faluk sira seluk iha kualker aspeitu.

"Mane hanesan feto, feto hanesan mane sira, labele iha diskriminasaun, FRETILIN kuandu fila ba ukun sei haree buat sira ne’e, maibe responsablidade FRETILIN nia mos tamba OPMT ne’e organizasaun FRETILIN nian laos organizasaun independenti, hau bele sehan deit katak, tamba deit mak feto mak laiha direitu, ne’e lae, fero mos iha direitu hanesan mane sira, OPMT 75 la hetan pensaun, ne’e laloos, ne’e sala, tenki hetan, se nia halo luta tenki hetan pensaun," deklara Mari Alkatiri.

Tuir agenda atividade kampania tuir mai hala’o iha Distritu Likisa.

No comments:

Post a Comment