Dili, 2 Fevereiru 2012
CIDALIA LOPES GUTERRES NO OPMT HALAU VISITA SOLIDARIEDADE NO APOIU BA ORAGANIZASAUN NAO GOVERNAMENTAL NEEBE TULUN VITIMAS VIOLENSIA DOMESTIKA NO LABARIK VUNERAVEIS
Nudar actu solidariedade no hodi buka fo apoiu no atensaun makas liu tan ba nesesidade vitima violensia domestika no violasaun sexual, liliu labarik no feto sira, iha Kinta–feira loron rua fulan Fevereiru 2012 representantes Organisasaun Popular Mulher Timor-Leste (OPMT) nudar ekipa apoiu ba ekipa susesu Lu Olo ba Presidenti, hala’o actividade social iha “Asosiasaun Casa Vida”, Bidau ou uma mahon ba vitima violensia demostica no sexual hamutuk Camarada Cidalia, esposa Kandidatu Presidenti Republika Fransisco Guteres Lu-Olo nian, Secretaria Jeral OPMT Camarada Merita Alves no mos camaradas OPMT nain seluk.
Iha visita ne’e Camarada Cidalia no Camarada Merita no maluk sira seluk hala’o visita dala uluk iha edifisiu Casa Vida ne’ebe lokalisa iha Bidau Lecidere hodi hare vitima violensia domestica no vilasaun sexual sira halao actividade hodi buka moris foun no seguro ba sira nia aan rasik iha futuru, hanesan tein no suku, nune’e mos tuir eskola alfabetisasaun. Depois ida ne’e maluk sira husi OPMT ne’e halao fali nia visita ba Casa Domin iha Bidau Tahu laran. Iha Casa Domin ne’e sira hare situasaun moris labarik ka menores neebe sai vitima ba violensia sexual.
Iha entervista ho ekipa Radio Maubere Camarada Cidalia espresa nia sentimentu profundo ba vitimas violensia domenstica no violasaun sexual ne’ebe nia hasoru iha nia visita. Iha nia komentario Camarada Cidalia hateten katak hanesan inan ida nia sente triste los. Maibe atu kombate violensia refere nia sugere ba parte hotu-hotu tenki kolabora hamutuk atu nune’e bele prevene hahalok a’at ida ne’e.
Nune’e mos iha fatin refere Camarada Cidalia ne’ebe hanesan espoza husi Camarda Presidenti Lu-olo fo korajen ba vitima violasaun ne’e atu sira bele iha espiritu forte liu tan hodi halao sira moris loro- loron.
Camarada Cidalia hateten tan katak iha futuru mai sira sei halo asistensia ruma ba Casa Vida.
Iha oportunidade ne’e Secretario Jeral OPMT Camarada Merita Alves hateten katak nia parte apresia tebes servisu neebe sira iha Casa Vida ne’ebe oferese–an hodi halibur no tulun vitima violasaun hirak ne’e, tamba rekonstrui fali vitima sira nia futuru. Nune’e mos hanesan inan ida nia parte triste tebes hare hahalok a’at hirak ne’ebe labarik sira iha fatin nee hasoru iha sira nia uma rasik.
Camarada Merita realsa katak iha loron ruma OPMT mos sei halo kolaborasaun ho Asosiasaun Casa Vida hodi hadi’a vitima violasaun sira nia futuru.
Iha okasiaun ne’e mos vitima violasaun sexual iha Casa vida ho idade 13 ne’e expressa nia liafuan ho kontenti katak, sira nia parte senti kontinte tebes tamba hetan visita husi ekipa OPMT.
Maske ho udan ne’ebe bo’ot ekipa husi OPMT ne’ebe lidera husi Camarada Merita ho Camarada Cidalia entusiastiku tebes hodi halao nafatin visita ba vitima violasaun hirak ne’e iha fatin tolu ne’ebe la hanesan. Iha visita ne’e ekipa Radio Maubere obserba katak vitima violasaun hirak ne’e senti entusiasmu tebes hodi simu presensa husi ekipa OPMT.
Iha fulan Novembru liu ba radio maubere halo reportagem husi eventu neebe camarada Secretariu Seral Dr mari Alkatiri halau iha Hotel Arbiru hodi angaria fundus atu tulun servisu organisasaun Casa Vida nee bainhira nia selebra nia tinan.
Tuir ajenda ekipa OPMT neebe responsabiliza ba programas visitas comunitarias husi Sra Cidalia, sira sei halao tan programa ne’ebe hanesan iha Sesta–feira loron 3 fulan Feverioru 2012 iha oras tuku 10 – 11:00 sei halao visita labarik malnutrisaun iha HIAM-HEALTH Aimeti-laran Comoro Dili. Tuir mai iha loron hanesan iha tuku tolu lokraik ekipa OPMT sei halao tan visita ba oan kiak iha Orfanato Santa Bakita, neebe situadu iha Becora.
Ba informasaun tan dere ba +670 728 7080
No comments:
Post a Comment